Mingəçevir Dövlət Universitetinin (MDU) tərəfdaş olduğu və Azərbaycan Dövlət İqtisad Universitetinin (UNEC) koordinatorluq etdiyi “Azərbaycan Universitetlərində Yaşıl və Dayanıqlı İqtisadiyyatın Təkmilləşdirilməsi: Bərpa Olunan Enerji və İqlim Dəyişikliklərinin Azaldılması – REFRESH” layihəsi çərçivəsində İsveç KTH Kral Texnologiya İnstitutuna (KTH) təcrübə səfəri həyata keçirilib.

Səfərdə MDU-nun Beynəlxalq əməkdaşlıq ofisinin koordinatoru Fariz Bayramov, UNEC-in Beynəlxalq əməkdaşlıq departamentinin Layihələrin idarə olunması şöbəsinin müdiri Rauf Məmmədov, Lənkəran Dövlət Universiteti, Gəncə Dövlət Universiteti, Sumqayıt Dövlət Universiteti və Azərbaycan Texnologiya Universitetindən nümayəndələr iştirak edib.

Beş günlük səfər müddətində nümayəndələrə KTH-də enerji texnologiyası, ətraf mühitin dayanıqlılığı və ali təhsilin müxtəlif aspektləri ilə bağlı bir sıra tədbirlər və seminarlar keçirilib. Bu tədbirlərdə Azərbaycanın COP29-a sədrlik etməsinin əhəmiyyəti barədə müzakirələr təşkil olunub.

Səfərin açılışında KTH-nin nümayəndəsi Viktor Kordas Azərbaycan nümayəndə heyətini salamlayıb və açılış nitqi ilə çıxış edib. Açılış nitqindən sonra Rauf Məmmədov REFRESH layihəsinin fəaliyyəti barədə məlumat verib və davamında seminar keçirilib. Seminarın əsas məqsədi enerji, ətraf mühit və iqlim dəyişikliyinin azaldılması sahəsində KTH-nin təşəbbüslərinə diqqət yetirməklə, ilkin şəbəkələşmə və fikir mübadiləsi üçün platforma təmin etmək olub.

Təcrübə səfəri çərçivəsində KTH-nin Enerji Texnologiyaları Departamentinin fəaliyyəti haqqında təqdimat keçirilib. Səfər iştirakçıları dayanıqlı enerji mühəndisliyinə həsr olunmuş laboratoriyaları gəzib, innovativ texnologiyaların və davamlı təcrübələrin birbaşa şahidi olublar. Növbəti günlərdə KTH-də enerji tədqiqatlarının təşkili, xüsusilə də Enerji Platformasına dair təqdimatlar keçirilib. Yerli nümayəndə heyəti KTH ilə sosial tərəfdaşlar arasında enerji və iqlim dəyişikliyi sahəsində geniş əməkdaşlıq fəaliyyətləri ilə tanış olub.

Ali təhsildə rəqəmsal alətlər və texnologiyalar, Yaşayan Şəhərlər təşəbbüsü və effektiv ictimai tərəfdaşlıqlar üzrə müzakirələr KTH-nin davamlı inkişaf üçün icmanın iştirakı ilə texnologiyanın inteqrasiyasına yanaşmasını hərtərəfli başa düşməyi təmin edib. Təcrübə səfərinin yekununda REFRESH layihəsinin menecment görüşü keçirilib və layihənin qarşısında duran növbəti mərhələlər və görüləcək işlər müzakirə olunub.

Qeyd edək ki, bu səfər Azərbaycan universitetləri arasında əməkdaşlıq və təcrübə mübadiləsinin inkişafına dəyərli töhfə vermişdir. MDU olaraq belə layihələrdə fəal iştirak etməyə və təcrübə mübadiləsinə davam edəcəyik.

Respublikasının Dövlət Himni səsləndirilib.

İştirakçıları salamlayan Riyaziyyat kafedrasının müdiri Rövşən Babayev tələbə gənclərin dünyagörüşünün, bilik və bacarıqlarının artırılmasında belə təşəbbüslərin önəmini diqqətə çatdırıb və gecənin təşkilində əməyi olan hər kəsə təşəkkürünü bildirib. O, Azərbaycanın ilk riyaziyyatçı qadın alimi kimi tarixə düşən Maya Hacıyevanın bütün ömrünün təhsilə və tələbələrinə həsr etdiyini vurğulayıb.

Sonra Maya Hacıyevanın yaradıcılıq fəaliyyətindən bəhs edən və “Maya Hacıyeva adına İKT bacarıqları” təqaüd proqramı haqqında videoçarxlar nümayiş olunub.

Tədbirin davamında mövzu ilə bağlı məruzələr dinlənilib. Riyaziyyat kafedrasının dosenti Mehman Rəsulov “Maya Hacıyeva xatirələrdə” adlı mövzu ilə çıxış edərək müəllimi olmuş Maya Hacıyevanın elmi-pedaqoji fəaliyyətindən danışıb. Bildirib ki, onun dərs dediyi tələbələri hazırda ölkənin ali və orta təhsil ocaqlarında, eləcə də digər elm və peşə sahələrində çalışırlar. Maya xanımdan bəhrələnən bir çox ziyalılar indi onu əvəzolunmaz şəxsiyyət, fədakar elm xadimi, qayğıkeş ana kimi xarakterizə edirlər.

Dosent M.Rəsulovun rəhbərliyi ilə hazırlanan gecədə MDU-nun Təhsil fakültəsinin tələbələri Kubraxanım Nuriyeva “Yaşıl dünyada riyaziyyat”, Elnarə Əhmədova “Müəllim haqqında müdriklərin söylədikləri şeirlər və kəlamlar”, Mələk Nəbizadə “Azərbaycanın digər Riyaziyyatçı qadınları haqqında”, Zərifə Muxtarova “Türk riyaziyyatçı qadınları” və Nazəni Qasımova “Dünya Riyaziyyatçı qadınları” adlı mövzularda çıxışlar ediblər. Məruzələr dinləyicilər tərəfindən maraqla qarşılanıb.

Kafedra tərəfindən təşkil olunan digər riyaziyyat gecələrində keçirilmiş müsabiqələrdə qalib gələn tələbələr mükafatlandırılıb. Qaliblərdən olan Riyaziyyat və informatika müəllimliyi ixtisasının II kurs tələbəsi Xasay Babaşov yoldaşları adından gənclərin hərtərəfli inkişafında xüsusi dəstək göstərən müəllimlərinə və universitet rəhbərliyinə xüsusi təşəkkürlərini bildirib.

Tədbir bədii hissə ilə davam edib. Tələbələrin və şəhər məktəblilərinin iştirakı ilə səsləndirilən şeir və mahnılar, nümayiş olunan rəqs gecəyə xüsusi rəng qatıb. İştirakçılar gecənin yüksək səviyyədə keçirilməsindən və rəngarəng çıxışlardan razı qaldıqlarını bildirdilər. Sonda “Yaşıl dünya üçün həyat verək” sloqanı ilə iştirakçılara kiçik hədiyyələr bəxş olunub.